الشاعر الأديب القدير سيد صادق ....قصيدة بعنوان إحنا معشناش / المحررة عذاب علواني

#احنا_معشناش .....
عدي العمر و مر و فات
زي حكايه من الحكايات
كان بدايتها طفل بيبكي ...
مالي الدنيا صوات و عياط
و بعد ما عدي سبع تيام
جم ف ودانا قالولنا كلام
اسمع و اسمع و اوعي تفكر
يظهر ان الفكر حرام ....!!!
*********************
و عدت ايامنا مع ليالينا .....
بين احبابنا و بين اهالينا ....
و فجاءه كبرنا و اتغيرنا ...
و الدنيا صغرت ف عينينا
لقينا الدنيا .......... النداهه
ندهت لينا دخلنا متاهه ....
و لما سالنا علي ايامنا ....
وقت ما فوقنا.. قالت انساها
*********************
عشره عشرين تلاتين خمسين
الايام دي راحت فين ........؟
احنا لقينا ان الذكري بنت امبارح
عدي عليها سنين و سنين
احنا كبرنا و شعرنا شاب ....
احنا كبرنا و احنا شباب .....
احنا عرفنا ان الدنيا .......
باب بيطلع علي باب ......
سيد صادق